Job 33

1 Kube kanti-ke, Jobe, ake uzwe inkulumo zami, ubeke indlebe kuwo wonke amazwi ami. 2 Khangelani, sengivule umlomo wami, ulimi lwami lukhuluma emlonyeni wami ^a. 3 Amazwi ami angawokuqonda kwenhliziyo yami, azakhuluma ulwazi lwendebe zami ngokuhlanzeka ^b. 4 UMoya kaNkulunkulu wangenza, lokuphefumula kukaSomandla kwanginika impilo ^c. 5 Uba ulakho ngiphendula ^d; zihlele phambi kwami, uzimise ^e. 6 Khangela, nginjengawe kuNkulunkulu, lami ngathatshwa ebumbeni ^f. 7 Khangela, ukwethusa kwami kungakwethusi ^g, lesandla sami singabi nzima phezu kwakho ^h.

8 Isibili ukhulume endlebeni zami, ngezwa ilizwi lamazwi, uthi: 9 Ngimsulwa ⁱ, kangilasiphambeko ^j, ngihlanzekile, njalo kakulabubi kimi. 10 Khangela, uthola amathuba okumelana lami ^k, ungibala njengesitha sakhe ^l. 11 Ufaka inyawo zami esigodweni ^m, aqaphele zonke indlela zami ^{n
,} ^o. 12 Khangela, kulokhu kawulunganga; ngizakuphendula, ngoba uNkulunkulu mkhulu kulomuntu. 13 Umphikiselani? Ngoba engaphenduli leyodwa yezindaba zakhe ^p. 14 Ngoba uNkulunkulu ukhuluma kanye, yebo, kabili, engekho onanzayo ^q. 15 Ephutsheni ^r, kumbono webusuku ^s, lapho ubuthongo obunzima busehlela abantu, ekuwozeleni embhedeni ^t; 16 abesesembula indlebe yabantu, aphawule ukuqondiswa kwabo ^u; 17 ukuze aphambule umuntu ekwenzenikwakhe, afihle ukuzigqaja emuntwini ^v, 18 anqande umphefumulo wakhe egodini, lempilo yakhe ekwedluleni ngenkemba ^w. 19 Njalo ujeziswa ngobuhlungu embhedeni wakhe, langokuqaqamba kwamathambo akhe okungapheliyo, 20 ize impilo yakhe inengwe yisinkwa, lomphefumulo wakhe yikudla okuloyisekayo ^x. 21 Inyama yakhe iyaphela, ingabonakali, lamathambo akhe abekade engabonakali avele ^y. 22 Lomphefumulo wakhe useduze legodi ^z, lempilo yakhe kubabulali ^aa.

23 Uba kulesithunywa kanye laye ^ab, umlamuli ^ac, oyedwa ^ad phakathi kwenkulungwane ^ae, ukutshela umuntu ukuqonda kwakhe ^af, 24 uzakuba lomusa kuye athi: Mkhulule ekwehleleni egodini, sengithole inhlawulo ^ag. 25 Inyama yakhe izakuba ntsha okwedlula ubutsha ^ah; abuyele ensukwini zobutsha bakhe ^ai. 26 Akhuleke kuNkulunkulu, ozakuba lesisa kuye ^aj, abone ubuso bakhe ^ak ngentokozo ^al; ngoba uzabuyisela emuntwini ukulunga kwakhe. 27 Ukhangela ebantwini ^am athi ^an: Ngonile ^ao, ngahlanekela okulungileyo, kodwa kakungisizanga ^ap. 28 Uhlengile umphefumulo wami ekwedluleni egodini ^aq, lempilo yami izabona ukukhanya ^ar. 29 Khangelani, lezizinto uNkulunkulu uyazenza ngomuntu kabili kumbe kathathu, 30 ukuze abuyise umphefumulo wakhe egodini ^as, ukuze akhanyiswe ngokukhanya kwabaphilayo ^at.

31 Zwana, Jobe, ungilalele, uthule, njalo mina ngikhulume. 32 Uba kulamazwi, ungiphendule ^au; khuluma, ngoba ngifisa ukutshengisa ukuthi ulungile ^av. 33 Uba kungenjalo, wena ngilalela; thula, njalo ngizakufundisa inhlakanipho ^aw.